Jowai, Jylliew 24
Ka District Level Inter School Subroto Mukherjee Cup Football Tournament 2026 bala pynïaid da ka ophis District Sports Officer, West Jaiñtia Hills District kala ïaid shaid-shaid ha madan Wahiajer Multi Sports Complex bad Wahiajer Mini Stadium.
Ha ka 24 tarik Jylliew ki jingïalehkai ki long ha ka kyrdan Under-15 Boys bad Under-17 Boys.
Haka Under1-15, ka Jowai Govt. UP RMSA School kala pynliem ïa ka Mihmyntdu Secondary School da 1-0 kol. Ka Seiñraij HS School, Wahïajer kala jop ïa ka Nephington Laloo Memorial Secondary School da 1-0 kol. Ka Jingshai Mihngi Adventist HS School ka la pynrem ïa ka Sabahmuswang UP School da 4-3 kol lyngba ka jingïashut Tie-Breaker. Ka Mihmyntdu R.C. Eve Secondary School kala jop da 1-0 kol ïa ka Modern Secondary School, Ialong da 1-0 kol.
Katba ka Marian Hill HS School kala rung sha ka jingïalehkai quarter final hadien ba kala pynliem ïa ka Lumpyrtuh HS School da 4-2 kol lyngba ka jingïashut Tie-Breaker.
Ha ka jingïalehkai Pre quarter final jong ka kyrdan Under-17 Boys, ka Syiem Jingsuk HS School, Amlarem kala jop ïa ka Lumpyrtuh Secondary School da 5-4 kol lyngba ka Tie-Breaker.
Ka Amwi HS School Thangbuli ka la pynliem ïa ka Kiang Nangbah Secondary School, Mukhla da 10-0 kol. Ka H.K. Singh Memorial Secondary School ka la jop ïa ka Jingshai Mihngi Adventist da 6-1 kol.
Ka Mihmyntdu RC Eve Secondary School kala jop ïa ka Achievers HS School da 2-1 kol. Katba ka Sawlyngdoh HS School kala jop ïa ka Govt. Boys HS School da 6-0 kol.
