Shillong, Jylliew 25
Ka jingïarap pynthep kol da u Pynskhemborlang Mawthoh ka la biang pura ïa ka Lapalang SC ba kan khur ïa ka jingjop ha ka lympung ïalehkai SSA SRGT 3rd Division Football League 2026, hadien ba ka la pynliem noh ïa ka Lumparing da 1-0 kol ha ka sngi Palei.
Utei u rangïalehkai ka Lapalang Lumparing u la kum bakla thep hi sha la ka jong ka kol hashwa ban wai artad kata ha ka minit kaba 80+2 ha SSA Stadium, Polo.
Haba phai sha kawei pat ka jingïakhun kaba ar, ka Sanmer SC ka la pynliem noh ïa ka Umpling SC da 1-0 kol bad kane ka la wan urlong lyngba u Blashah Nongkynrih, uba la thep ha ka minit kaba 59.
Ki bor pynïaid ka Shillong Sports Association,ki la pynbna ba ka jingïakhun pre-quarter final jong ka U-20 4th Division kan bteng biang ha ka sngi Thohdieng ha kaba ka Mawnianglah Youth SC kan ïakynduh pyrshah ïa ka Ïaitylli SC ha ka por 1 baje mynsngi bad ha ka por 4 baje nohphai sngi ka Golflink SC ïa ka Mawpdang SC.
