Shillong, Jylliew 25
Ka Meghalaya Boxing Association (MBA) ka la sei ïa ki nongïakura ki ban leit shim bynta ha ka 5th (U-15) Sub-Junior Boys & Girls National Boxing Championships kaba la long ha Jalandhar, Punjab naduh ka 23 tarik bad ka ban kut ha ka 29 tarik mynta u bnai.
Ki don baroh 11 ngut ki ban leit ïakhun, kiba kynthup ïa 8 ngut ki shynrang bad 3 ngut ki kynthei. Ha ka liang ki shynrang ki kynthup ïa u Daniel Nongrum (30-33kg), Kitbok Shabong (35-37kg), Shanborlang Dkhar, (37-40kg), Debraj Thapa (40-43kg), Kabibath M Sangma (43-46kg), Enzo Jordan K Nongkhlaw (46-49kg), Redimus Maring (49-52kg) bad u Bendrick Rynjah (52-55kg). Katba ha ka liang ki kynthei ki long ka Philawan Kmen Sohtun (37-40kg), Ribashisha (43-46kg) bad ka Rikadame Sungoh (49-52kg).
Ïa kane ka kynhun la synran da u Bah Pynskhemlang L Nonglait, Bah Wilfred Kharmawlong bad ka Kong Deyasngewbha Nongkhlaw.
Kane ka long katkum ka kyrwoh ba la phah da u Bah Larry Kharpran, Technical Director ka MBA ryngkat u Bah Dondor Marweiñ, Secretary, MBA.
