Jowai, Jylliew 26
Ka District Level Inter School Subroto Mukherjee Cup Football Tournament 2026 ba la pynïaid da ka shlem treikam jong ka District Sports Officer (DSO), West Jaiñtia Hills District ka la nangjam shaphrang ha madan Wahïajer Multi Sports Complex bad Wahïajer Mini Stadium.
Ha ka jingïalehkai pre-quarter final jong ka Under-17 Boys, ka Riwar Jaiñtia COG S.S ka la pynliem noh ïa ka Wahïajer Presbyterian HSS da 4-1 kol. Kumjuh ka Nongtalang Govt. HSS ka la jop da 3-2 kol ïa ka Lissi Pearl HSS. Ka North Liberty HSS ka la pynliem ïa ka St. Francis SS da 6-0 kol.
Katba ha ka pre-quarter jong ka Under-15 Boys, ka Govt. Boys HSS ka la jop ïa ka Syiem Jingsuk HSS, Amlarem da 6-0 kol. Ka St. Claret HSS ka la pynliem noh ïa ka All Saints SS da 1-0 kol. Ka Padu SS ka la jop ïa ka Lirian English School, Umsalait da 1-0 kol.
Ka H.K. Singh Memorial Secondary School ka la jop ïa ka Jaiñtia HSS da 4-0 kol. Katba ka North Liberty HSS ka la pynliem noh ïa ka St. Dominic HSS da 2-0. Ka Seiñraij HSS Wahïajer ka la jop ïa ka Jowai Govt. UP RMSA lyngba ka tie-breaker da 4-3 kol, katba ka Mihmyntdu RC Eve. School ka la jop ïa ka Jingshai Mihngi Adventist da 1-0 kol.
