Jowai, Jylliew 26
Ka District Administration & District Social Welfare Officer, West Jaiñtia Hills District ha ryngkat ka jingïatreilang ka District Sports Officer, ha ka 25 tarik ki la pynlong ïa ka jingïakop mareh kaba long shi bynta ka International Day Against Drug Abuse and Illicit Trafficking 2026.
Ïa ka lama la kaweh da u Working President ka West Jaiñtia District Sports Association u Bah E.M.H Passah ha ka jingdonlang ka DSO West Jaiñtia Hills ka Kong Linza F. Syiem nalor ki dkhot ka WJDSA.
Kane ka jingïakop mareh ka la sdang na khyrdop jong U Kiang Nangbah Stadium bad ïaid lyngba ka surok Ladthadlaboh, Kiang Nangbah Govt. College, By Pass, jingkieng Myntdu, Amlarem By Pass, Stand war, D.C Office, New Hill, National Highway bad pynkut ha Kiang Nangbah Indoor Stadium.
Ki nongjop ha ka liang ki shynrang ki long u Sienmiki Kyndait na Sabahmu-swang ula wan ba nyngkong hadien ba ula pyndep hapoh 33:43 sekhon. Ïa ka kyrdan ba-ar la ïoh da u Niawda O Dkhar na Sabahmuswang uba pyndep ha ki 34:20 sekhon bad balai la ïoh da u Sanctify Pale na Nartiang ha ki 34:42 sekhon.
Katba ha ka liang ki kynthei la jop da ka Mary Queen Pale na Mynsngat hadien ba ka la lah ban pyndep ha ki 45:19 sekhon, ba-ar ka Pynbait Shylla na Sabahmuswang ha ki 53:38 sekhon bad balai ka Lamsuk Phawa na Mukhaialong kaba la pyndep ha ki 53:53 sekhon.
Kine baroh kine ki nongjop ki la ïohpdiang ïa ki khusnam lyngba ki song pisa bad ki syrnot. Kiba la wan ha ka kyrdan ba nyngkong ki la ïoh T.7000/-, ba-ar T. 5000 bad balai T. 3000.
