Shillong, Jylliew 29
Ka lympung ïalehkai SRGT 3rd Division Football League 2026 ba la pynlong da ka Shillong Sports Association ka la nangjam shaphrang ha kaba ka Lamlynti FC ka la khur ïa ka jingjop ha ka lah sngi U Blei, hadien ba ka la lah ban pynliem noh ïa ka Mawlynrei SC da 3-1 kol ha SSA Stadium, Polo.
Kane ka nam jop ka la wan urlong lyngba u Chandy Suting, Monish Mani bad u Arban Sohshang na ka bynta ban khur ïa ki lai poiñ.
Watla kine ki kynhun kim shym la lah ban thep kol ha ka kylla step, hynrei ka Mawlynrei ka la ïoh ban pynkhih jar nyngkong eh ha ka minit kaba 50 lyngba u Dawan Mawlong. Kane ka shi kol ka la neh tang shipor ha kaba tang hadien ar minit ka Lamlynti ka la pynphai kylla u Chandy.
Ka Lamlynti ka la pynbud biang sa ar kol lyngba u Monish (65) bad u Arban (73) na ka bynta ban khur syndon ïa ka jingjop.
Haba phai sha kawei pat ka jingïakhun kaba la long kham hashwa hapdeng ka Umïew Maw U Sam bad ka Nongumlong SC ki la kut ha ka jingïakhaid hadien ba kim shym la lah ban thep kol haduh kaba kut ka jingïalehkai.
