Shillong, Jylliew 29
Ka Meghalaya Pro-fessional Boxing Council (MPBC) ka la pynbna ba kan pynlong ïa ka SAI Fit India Campaign ha ka 3 bad 4 tarik u Nai-tung ha Nongkseh Block-3, Upper Shil-long.
Ïa kane ka pro-kram la kyrshan lang da ka Sorkar Jylla lyngba ka skhim CM-YDS 2024-25 kaba wan na ka ophis u Deputy Commissio-ner, East Khasi Hills District.
Kane ka prokram ka thmu ban kyntiew ïa ka jingkoit jingkhiah, ka jingim kaba koit ba khiah, bad ka jingïashim bynta ha ki jingïalehkai hapdeng ki briew ha la ki jong ki rta. Te kumta la khot sngewbha ïa ki paidbah naduh ki khynnah bad ki samla kiba sumar ïa la ka jong ka met bad ki nongïalehkai kiba kwah ban ïashim bynta ha katei ka prokram.
Ha kane ka jingïa-lang yn don ki jing-ïalehkai kiba ïadei ha ka met ka phad bad ka jingpynshai ban shim bynta ki jingïakura, kaba pynshlur ïa baroh ban shim ïa ka rukom im kaba khiah krad bad kaba koit ba khiah kaba ïahap bad ka jingthmu jong ka Fit India Movement.
