Shillong, Naitung 01
Ka lympung ïalehkai Dis -trict Level Subroto Mu-kherjee Cup Inter School Football Tournament 2026 ba la pynïaid da ka shlem treikam u District Sports Officer (DSO) East Khasi Hills, ka la sdang ha ka sngi Balang ha kane ka nongbah.
Ïa kane ka lympung la phiah ha ki lai tylli ki kyrdan kata ka Under-15 Boys, Under-17 Girls bad ka Under-17 Boys ha kaba la pynlong ïa ki jingïalehkai ha madan Heh Mini Stadium, ha Madan Third Ground jong ka MFA ha Polo bad ha SAI Training Centre kaba ha Nehu.
Ha kane ka lympung la wan shim bynta da ki skul bapher bapher kiba na kylleng jong ka East Khasi Hills District.
Ha ka jingïakhun jong ka U-15, ka Umphyrnai Presbyterian SS ka la pynliem noh ïa ka Youngster HSS da 3-1 kol, kumjuh ka Umpohliew Jingtip HSS ka la jop da 3-0 kol ïa ka H.Elias HSS. Ka Sacred Heart Boys HSS ka la jop da 6-0 kol ïa ka Mawpat Pres. HSS, ka Don Bosco HSS ka la pynliem ia ka Mount Hermonth da 4-0 kol. Ka St. Anthony’s ka la pynliem ïa ka Nongwah COG HSS da 5-0, katba ka Ïewrynghep SS ka la jop da 2-0 kol ïa ka St. Claret bad ka Shillong Vidyalaya ka la jop da 4-0 kol ia ka Sharon Memorial.
Ha ka kyrdan ïalehkai jong ka U-17 Boys, ka Umpohliew Jingtip HSS ka la pynjem khnap ïa ka St. Peter’s haduh 11-0 kol, ka O.M Roy Memorial ka la jop 8-0 kol ïa ka Sharon Memorial HSS, ka St. Anthony’s ka la pynliem noh ïa ka St.Claret da 6-0 kol. Ka Umphyrnai Pres-byterian ka la pynliem ïa ka Mizo Presbyterian da 7-1 kol, kumjuh ka Sacred Heart Boys ka la jop da 2-0 kol ïa ka Mount Hermon HSS.
Ka Mount Gerezim SS ka la shah rem da 1-4 kol ha ka H.Elias Memorial HSS, kumjuh ka Ïewrynghep SS ka la shah rem ha ka Don Bosco SS da 3-7 kol bad ka Shillong College ka la jop da 2-0 kol ïa ka Sohryngkham SS.
Ha kaba ïadei bad ka U-17 jong ki kynthei, kan sdang ha ka sngi Palei ha kaba ka Shillong Vidya-laya kan ïakhun pyrshah ïa ka St. Mary’s ha ka por 4 baje nohphai sngi ha madan Heh.
Ïa kane ka lympung yn pynkut ha ka sngi Saitjaiñ (4 tarik) bad ki kynhun ki ban khur ïa ki nam lahduh ha kitei ki kyrdan kin ïoh ban mihkhmat sha ka State Level Inter School Subroto Cup ka ban sa long shen.
