Shillong, Naitung 01
Ka East Khasi Hills District Basketball Association (EKHDBA) kan pynlong ïa ka lympung ïalehkai basketball ba la tip kum ka 1st EKHDBA 3×3 Basketball Championship 2026 naduh 6 haduh 10 tarik u Naitung ha Raid Laban College, Shillong.
Kane ka lympung ka kynthup ïa ki kynhun jong ki shynrang bad kynthei, ryngkat ki kyrdan ‘youth’ kiba la kha ha lane hadien ka 1 tarik u Kyllalyngkot jong u snem 2010. Te kumta kane ka synjuk ka la wer ïa ki kynhun ba kin wan shim bynta ha kane ka lympung. Ka tarik kaba khatduh ban pdiang ïa ki kynhun ban wan shim bynta kan long ha ka 6 tarik u Naitung ha ryngkat ka jingpynbna ïa ki prokram ïalehkai.
