Mawkyrwat, Naitung 02
Ka lympung ïalehkai District Level Subroto Mukherjee Cup Inter School Football Tournament 2026 ba la pynlong da ka shlem treikam jong ka District Sports Officer (DSO) South West Khasi Hills District ka la poi sha kaba kut ha ka sngi Palei, ha kaba ka Balang Mawlangwir HSS, Maharam Govt HSS bad ka Rangthong Christian HSS ki la khur ïa ka nam lahduh ha madan MDSA Stadium, Nonglang SWKHD.
Ïa kane ka lympung la sdang naduh ka 10 tarik u Jylliew bad ki la don kumba 28 tylli ki skul kiba wan ïashim bynta ha baroh lai tylli ki kyrdan.
Ha ka jingïakhun phainal jong ka Under-17 Boys, ka Balang Mawlangwir HSS ka la long ka la lahduh hadien ba ka la lah ban pynliem noh ïa ka Rangthong Christian HSS da 2-1 kol. Ïa kine la ioh ban thep da u Kheiñkorlang Thongni ha ka minit kaba 17 bad 38.
Katba ha ka Under-15 Boys, ka Maharam Govt HSS ka la lah ban pynliem noh ïa ka Little Star HSS da 2-0 kol. Ïa kine ki kol la thep da u Bechamshwa K.War ha ka minit kaba 12 bad bud sa ka kol na u Wanpyndapbor Nongsiej ha ka minit kaba 47.
Ha ka jingïalehkai phainal jong ka Under- 17 Girls, ka Rangthong Christian HSS ka la pynliem noh ïa ka Little Star HSS da 2-0 kol bad ïa kine la thep da ka Rosimery Sohlang ha ka minit kaba 21 bad ka Wanrah-jingkmen ha ka minit kaba 33.
Ïa ki khusnam sha kine ki kynhun la sam da ka Deputy Commis-sioner ka South West Khasi Hills ka Kong A.L Mawlong, ha ryngkat ka jingdonlang ka Kong D. Marweiñ (DSO), SWKHD, Bah Y.G. Lyngdoh, Working President ka MDSA, Bah Lying Lyngdoh, Vice President bad kiwei kiwei.
Te kumta ka Balang Mawlang-wir HSS, Maharam Govt HSS bad ka Rangthong Christian HSS kin mihkhmat ïa kane ka district sha ka State Level Subroto Mukherjee Cup ka ban sa long shen.
