Jowai, Naitung 02
6 tylli ki skul ba kynthup ïa saw tylli na ka Under-17 Boys & Girls bad 2 tylli na ka Under-15 Boys ki la long ba la pynkhreh ban mih madan ban ïaknieh ïa ka nam lahduh ha ki jingïakhun final jong ka District Level Inter School Subroto Mukherjee Cup Football Tournament 2026, ka ban long mynta ka sngi Thohdieng ha Wahïajer Multi Sports Complex.
Ïa kane ka lympung la pynïaid da ka shlem treikam jong ka District Sports Officer (DSO), West Jaiñtia Hills District.
Ha kane ka jingïakhun phainal, ka North Liberty HSS kan aireng pyrshah ïa ka H.K Singh Memorial Secondary School ha ka Under-17 Girls, ka Jowai Govt. Boys’ Higher Secondary School ïa ka North Liberty HSS ha ka Under-15 Boys, bad ka Amwi Higher Secondary School, Thangbuli ïa ka Saw Lyngdoh Higher Secondary School, Mookaïaw ha ka kyrdan ïalehkai Under-17 Boys.
Haba phai sha ka jingïalehkai kaba la long ha ka sngi Palei, ha ka kyrdan ïalehkai Under-15 Boys, ka North Liberty ka la pynliem noh ïa ka Mihmyntdu R.C Eve School da 7-0 kol.
Ha ka kyrdan ïalehkai Under-17 Girls, ka North Liberty ka la jop da 8-0 kol ïa ka Govt. Girls H/S School. Ka H.K. Singh Memorial Secondary School ka la jop da 4-0 kol ïa ka Jaiñtia H/S Secondary School.
