Shillong, Naitung 03
Ka lympung ïalehkai SSA U-20 4th Division Football league 2026 ha ka jingïalehkai Pre- Quarter ha ka 03 Naitung 2026 Sngi Thohdieng ka la bteng da ka jingïalehkai hapdeng ka Ïaitylli SC bad ka Them Rangshken SC kaba la long ha ka por 1 baje mynsngi ha mdan SSA Ground No.1.
Ka Ïaitylli SC ka la pynliem noh da 3-0 kol ïa ka Them Rangshken SC, ki rangïalehkai kiba la ïoh thep kol ki long u Justwellborn Kharbani ha ka minit ba 39 & 57 bad u Banbishar Mawlong shi kol ha ka minit ba 41.
Ha ka por 4 baje janmiet ka Golflink SC ka la pynliem noh ïa ka New Challenger FC da 3-0 kol. Ki kol ka Golflink SC la thep da u Ricky Rani ha ka 4 minit bad u Dibian Suting ha ka 11 & 65 minit.
Ha ka 4 tarik Naitung 2026 ka Pre- Quarter jong ka SSA U-20 4th Division Football league 2026 ha ka por 1 baje kan bteng da ka jingïalehkai hapdeng ka Laitlyngkot SC pyrshah ïa ka Weilyngkut Area FCC bad ha ka por 4 baje janmiet ka Seila Sap FCC pyrshah ïa ka Nongkseh United FC.
