Shillong, Naitung 03
Ka PFR Football Academy ka sngew sarong haduh katta katta ban pynbna ba u heprit Damenbandon Mawkhroh u la shah khot sha ka Final Trial jong ka Under-15 AIFF FIFA Talent Academy, kaba la buh ban sdang ha ka 11 tarik Naitung 2026 ha Hyderabad.
Kane ka dei ka kyrdan jied ‘Final Selection Stage’ na ka bynta ka prokram jong ki samla ba bha tam ha India, ba la pynïaid da ka Seng ïalehkai phutbol ka All India Football Federation ha ka jingïatreilang bad ka FIFA.
U heprit Damenbandon u la long shisha ba la mih bad pyntbit jong ka PFR. U la don ryngkat bad ka Academy naduh ba u dang 7 snem ka rta, la pyntbit hapoh ka jinghikai jong u Coach Nylla Meri Wahlang bad u Coach Jewelson Lyngdoh.
Naduh ki kyrdan U-7 haduh kawei pat ka bynta sha ka kynhun U-15 jong ka India – kane ka dei ka rukom ïaid lynti jong ka PFR. Ka nongbah Shillong baroh kawei, bad ka jylla Meghalaya ki kitbok kitrwiang ia u Damenbandon “Leit bad pynlong ia ka Meghalaya kaba sngew sarong”.
