Shillong, Naitung 03
Ka Damerbha Rumnong ka la shah thung kum ka hehduh jong ka UJAI Northeast bad la pynkiew kyrdan ruh sha ka kyrdan blue belt ha ka Brazilian Jiu-Jitsu (BJJ).
Ka Rumnong, ka long ka nongïalehkai kaba tbit ha ka Brazilian Jiu-Jitsu, ka coach MMA bad ka nongseng kam seng jam na Shillong, ka don ha ka kyrdan ba nyngkong ha India bad kaba phra ha Asia ha ka kyrdan ïalehkai katkum ka jingkhia jong ka. Kham mynshwa ka la ïoh ban khur ïa ka takma ksiar ha ka jingïakop ïalehkai AJP Abu Dhabi Jiu-Jitsu Pro Championship ha New Delhi.
Ka dei ruh ka nongseng jong ka IDM Fitness and Fight Club ha ryngkat u Mayveen Sawkmie bad u Ïarapborsing Kharbani.
Katkum ka jingong jong ka klob, ka jingpynkyntiew kyrdan sha ka blue belt ïa ka Damerbha Rumnong ka pynlong ïa ka jingïalehkai BJJ kaba la pynshisha ba ka don ka jingtbit bad hiarpateng ha kane ka thain.
Katba u Mayveen Sawkmie bad u Ïarapborsing Kharbani ki la kamai mar ar tylli ki stripe ha ki white belt jong ki.
Ki jingthung kam bad ki jingkiew kyrdan la pynbna da ka IDM Fitness and Fight Club kum shi bynta jong ka prokram jong ka Brazilian Jiu-Jitsu kaba dang ïaid shakhmat.
