Amlarem, Naitung 05
U Myntri ka Sorkar Jylla bad uba long u MLA ka thaiñ u Bah Lahkmen Rymbui ula noh synñiang T. 1 lak tyngka sha ka Amwi Higher Secondary School, Thangbuli kaba la rah ïa ka nam lahduh ha ka District Level Inter School Subroto Mukher-jee Cup Football Tourna-ment 2026 ba la pynïaid da ka shlem treikam ka District Sports Officer, West Jaiñtia Hills.
Ka Amwi Amwi Higher Secondary School, Thangbuli ka la long ka lahduh hadien ba ka la jop ïa ka Sawlyngdoh Higher Secondary School, Mowkaïaw da 1-0 kol ha ka jingïakhun phainal kaba la long ha ka 3 tarik mynta u bnai.
Ïa kane ka song pisa la aiti ha ka jingïalang lyngkot kaba la long ha phyllaw ka skul ha ka jingdonlang ki nonghikai, ki nongïalam bad dkhot nongkitkam shnong ha ka 4 tarik.
Haba ai jingkren ha katei ka sngi, u Bah Lahkmen ula pynshlur ïa ki nongïalehkai ban don ïa ka thong khnang ban ïoh ïa ka jingjop, ym tang ha ki lympung ïalehkai, hynrei ha kino kino ki jingïaleh ha ka jingim jong ki.
U la ong ba kane ka jingnoh synñiang jong u kan long kum ka dak ka jingithuh ïa u soh ka jingjop bad ruh ban kyrshan ïa ka jinglut jingsep jong ka skul na ka bynta ban leit ïashim bynta ha ka State Level Football Tournament ka ban sa long shen ha ka nongbah Shillong.
