Shillong, Naitung 05
Ka jingïakhun quarter final jong ka Under-20 Fourth Division Football League 2026 ba la pynlong da ka Shillong Sports Association, kan sdang mynta ka lah sngi U Blei ha SSA Stadium, Polo.
Ki kynhun ki ban ïakhun ha kane ka sngi kan long hapdeng ka Ïatylli Sports &CCF pyrshah ï ka Golflink SC ha ka por 4 baje nohphai sngi. Ha ka sngi Ba-ar, ka Mawpdang SC kan ïakynduh pyrshah ïa ka Them Rangshken.
Kiwei pat ki kynhun ki ban ïakhun ha ka 8 tarik kin long hapdeng ka Laitlyngkot pyrshah ïa ka Sei La Sap bad ha ka 9 tarik ka Nongkseh United ïa ka Weilyngkut Area.
Haba phai sha ka 3rd Division, ka jingïakhun kan long hapdeng ka Lamlynti FC pyrshah ïa ka Lawmali SC ha SSA Stadium bad ka Nongumlong SC ïa ka Umphyrnai SC ha madan MFA ki ban long ha ka por 1 baje mynsngi.
