Shillong, Naitung 06
Ka lympung ïalehkai martial arts ba la tip kum ka 14th Senior National Pen-cak Silat Championship 2026-27 ka la sdang ha kane ka nongbah ha ka lah sngi U Blei ha SAI Multi Purpose Indoor Stadium jong ka SAI Training Centre ha NEHU.
Ha kane ka lympung la pynlong da ka Meghalaya Pencak Silat Association ha ryngkat ka jingïasnoh kti lang bad ka Indian Pencak Silat Federation kaba la ïoh jingithuh da ka tnat ïalehkai jong ka Sorkar Pdeng, la wan shim bynta da kumba 1500 ngut ki nongïalehkai kiba na ki Jylla bapher bapher jong ka ri India.
Ïa kane ka lympung la wan ban plie da u Wor-king President ka Megha-laya State Olympic Asso-ciation (MSOA) Bah John F. Kharshiing kum u kong -san ha kaba la ïadon lang u Bah Dipshon Rynta-thiang, President ka Megha -laya Pencak Silat Asso-ciation, kumjuh u Kishore Yealiah, President ka Indian Pencak Silat Fede-ration, ka Phiilia Thomas, Senior Vice-President ka Indian Pencak Silat Federation bad kiwei kiwei.
Ka Pencak Silat ka dei ka jingïalehkai tynrai jong ka ri Indonesia bad kane ka jingïalehkai ka la sdang ban kiew stet ha ri India.
Ha kane ka sngi sdang la pyni ïa kane ka jingïalehkai Pencak Silat da ki nongïalehkai kaba la pynshoh biej ïa kiba bun ki nongpeitkai.
Haba ai jingkren ha katei ka sngi, u Bah John kum u kongsan u la pdiang sngewbha ïa baroh ki nongshim bynta na ki jylla bapher bapher jong ka ri ban shim bynta ha kane ka lympung kaba lai sngi. “Nga sngewkmen ban tip ba ki don kumba 1500 ngut ki nongshim bynta ha kane ka lympung.”
U la pynpaw ba kumba ka long mynta ka Jylla ka dangdon hapdeng ka jingpynkhreh na ka bynta ka 39th National Games ka ban long ha u 2027. “Kane ka lympung ka long u jingpyrshang na ka bynta ka National Games.”
Ha kawei pat ka liang ka Phiilia Thomas ka la pynpaw ba kane ka jingïalehkai Pencak Silat ha ki 10 bad 12 snem mynshwa ki dangdon tang khyndiat ngut eh ki nongïalehkai. “Ha kito ki por ngim don ïa ki jaka ïalehkai kiba paka, ngim shym la ïoh ka jingithuh na Sorkar bad kam don ïa ka lawei na ka bynta nongïalehkai.”
“Hynrei mynta ngi la don ïa ki nongïalehkai ha ki 26 tylli ki Jylla jong ka ri kynthup ruh ïa ki Union Territory. Ngi la lah ban pynlong ïa ki lympung ïa-lehkai State Champion-ship, National Champion-ship. Ngi la phah ruh ïa ki nongïalehkai ban mihk-hmat ïa ka ri India sha ka Asian bad ka World Cham -pionship. Kane ka dei ka jingtrei shitom jong phi ki nongïalehkai,” ka la bynrap.
