Mairang, Naitung 06
Ka kynhun ïalehkai jong ka Little Star Higher Se-condary School ka la khur ïa ka nam lahduh ha baroh lai tylli ki kyrdan kiba kynthup ïa ka Under-15, Under-17 jong ki khynnah shynrang bad kynthei ha ka lympung ïalehkai Dis-trict level Subroto Mukher -jee Cup Football Tourna-ment 2026 jong ka Eas-tern West Khasi Hills District ïa kaba la pynlong da ka shlem treikam ka District Sports Officer, West Khasi Hills ha madan Dommawlum, Pyndengumïong.
Ka nam tam jong ka Little Star ha kane ka lympung ka la wan hadien ba ka la lah ban pynliem ïa ka St. Joseh HSS da 5-1 kol ha ka U-15 jong ki shynrang. Nangta ha ka Under-17 jong ki shynrang ka la pynliem noh da 4-0 kol ïa ka Langtor HSS bad ha ka U-17 ki kynthei ka la jop da 2-0 kol ïa ka Mawkhar Presbyterian SS. Ïa kine ki jingïakhun final la pynlong ha 3 tarik mynta u bnai.
Lyngba kine ki nam jop ka Little Star ka la long ka skul kaba tang marwei ban mihkhmat ïa ka Eastern West Khasi Hills sha ka State Level Subroto Mukherjee Cup Football Tournament 2026 ka ban sa long shen ha ka nongbah Shillong.
Haba phai sha katei ka sngi pynhap pyrda ïa katei ka lympung, u MDC ka Mairang Constituency u Bah Equator Nongrang u la long u kongsan ha ryngkat ka jingsynran lang u Sordar ka shnong Pyndengumïong u Bah Bornad Syiemïong, ka DSO WKH Kong Balarina Syiem, ki nongkitkam ka PDSA kiba la sam ruh ïa ki khusnam, ha ka jingdonlang ruh kiwei pat kiba la shah khot sngewbha, ki nonghikai bad ki khynnah skul kiba la wan ban pynshngaiñ ïa katei ka jingïalehkai phainal.
