Itanagar, Naitung:
Arngut ki nongbylla na Bihar ki la ïap bad saw ngut kiwei pat ki la mynsaw hadien ba ka jingtwa khyndew kaba la mih na ka jingjur jong u slap ba khlem sangeh kaba la lynshop ïa kawei ka jaka shna ïing ha Lohit distrik kaba don ha Arunachal Pradesh, la ïathuh ki pulit ha ka sngi Balang.
Kane ka jingjia ka la jia ha ka por 12.45 baje mynsngi ha ka sngi Ba-ar ha Lohitpur, la ïathuh u SP u Thutan Jamba. Ïa kine ki arngut kiba la ïap la tip kyrteng kum u Bipin Kumar (33) bad u Rahul Kumar (26), u la ong.
Ki pulit bad ki kynhun pynlait im ki la sei ïa saw ngut kiwei pat ki nongtrei kiba la sahkut hapoh ka jingtwa. Uwei napdeng kine ki saw ngut u la kham mynsaw jur bad u dang shah sumar ha Lohit Zonal General Hospital, la ïathuh ki pulit.
Ka la don ka jingujor ha kaba ïadei bad ka jingjia, ha ka jaka treikam jong ki pulit ka Tezu, ki la ïathuh.
