Nongstoiñ, Naitung 09
Ki kynhun ïalehkai ki la long ba la pynkhreh ban ïaknieh ïa ka nam lahduh ha ka District Level Subroto Mukherjee Cup Football Tournament 2026 ba la pynlong da ka shlem treikam jong ka District Sports Officer (DSO) West Khasi Hills, mynta ka sngi Thohdieng ha New Nongstoiñ.
Ka jingïalehkai final jong ka Under-15 ki shynrang kan long ha ka por 9 baje mynstep hapdeng ka Anderson HSS pyrshah ïa ka Kyrshai Government LP&UP, nangta ha ka por 11 baje ka jingïalehkai final jong ki Under-17 ki kynthei hapdeng ka Nonglang SS pyrshah ïa ka Lurmangkara SS Risiang. Katba, ka jingïalehkai final jong ka Under-17 ki shynrang kan long ha ka por 1 baje mynsngi hapdeng ka Dapboklang Giri SS ïa ka Sib Singh Memorial.
