Shillong, Naitung 10
Ka lympung ïalehkai SSA SRGT 3rd Division Football League 2026 ha ka 10 Naitung 2026 ka la bteng da ka jingïalehkai ha ka por 1 baje mynsngi ha madan SSA Ground No.1 hapdeng ka Rynjah SC pyrshah ïa ka Nongumlong SC.
Ka Rynjah SC ka la ïoh ar kol lyngba u Albert Suting 17 minit bad u Stephan Kharmylliem 41 minit, katba ka Nongumlong SC ka la ïoh tang shi kol da u Damanbha Khyriem ha ka 21 minit. Ha ba kut ka jingïalehkai ka Rynjah SC ka la jop noh da 2-1 kol ïa ka Nongumlong SC.
Ha kawei pat ka jingïalehkai Quarter Final jong ka SSA U-20 4th Division Football League 2026 ka la long hapdeng ka Laitlyngkot SC pyrshah ïa ka Seila Sap FCC ha ka por 4 baje janmiet ha kajuh ka jaka.
Ka Laitlyngkot SC ka la thep shi kol ha ka minit ba 67 da u Nangtei Rynjah bad ka Seila Sap FCC ka la ïoh saw kol lyngba u Melbertson Kharbangar ha ka minit ba 10, u Leo Ferdinand Marbaniang 47 minit, u Sashang Gurung 63 minit bad u Banskhemlang Warlarpih 73 minit (Own Goal By Laitlyngkot SC) kaba pynlong ïa ka Seila Sap FCC ban jop noh ha ka jingïalehkai da 4-1 kol.
Ha ka 11 Naitung 2026 ka SSA SRGT 3rd Division Football League 2026 kan bteng ha ka por 1 baje mynsngi ka Umphyrnai SC kan ïakhun pyrshah ïa ka Umpling SC bad ha ka por 4 baje janmiet ka Lumparing SC kan ïakhun pyrshah ïa ka Kharang SC, kumjuh ruh ka Lawmali Pyllun SC pyrshah ïa ka Sanmer SC ha ka por 4 baje janmiet.
