Shillong, Naitung 10
Ka France ka la pynthikna ïa ka jaka jong ka ha ka Semi Final jong ka FIFA World Cup 2026 da kaba jop ïa ka Morocco da 2-0 kol ha ka jingïalehkai Quarter Final kaba la long ha madan Boston. Kane ka jingjop ka buh ïa ka France ha ka Semi Final jong ka World Cup kaba lai sien lynter, kaba pynbud biang ïa ka jingjop jong ka da 2-0 ïa ka Morocco ha Qatar ha u snem 2022.
Ka France ka la lah ban tehlakam ïa ka jingïalehkai naduh kaba sdang bad ka la ïoh ïa ka kabu kaba khraw ha ka minit kaba 26 haba u Kylian Mbappé u la ïoh da ka penalty lyngba ka ‘foul’ u Noussair Mazraoui ka Morocco. Hynrei u nongapkol jong ka Morocco u Yassine Bounou u la ïakhun tyngeh da ka jingïada kaba itynnad bha ban khanglad ïa u Mbappé ban thep kol, kaba la pynlong ïa ka jingïalehkai khlem thep kol ha ka ka kylla step.
Hynrei u Mbappé u la pynïoh noh ïa kaei kaba u la duh ei ha ka penalty da kaba thep da ka kol kaba itynnad kaba la ïaid lyngba ki ‘ranglehkai shadien ka Morocco bad kaba khun sha kyndong ban rung ha ka kol ha ka minit kaba 60. Tang hadien hynriew minit, la ïoh ban thep kol sa u Ousmane Dembélé ka kol kaba ar na bynta ka France.
Ha kaba jan kut ka jingïalehkai u Mbappé u la hap ban shong bad mih bujli noh da kiwei pat namar ka jingthut bad mynsaw ha ka kjat ka mon jong u.
Da ka kol jong u, u Kylian Mbappé u la thep 8 tylli ki kol ha kane ka lympung, da kaba ïaid mar ryngkat bad u Lionel Messi. U Mbappé mynta u don ïa ka kabu ban jop ha ka jingïaknieh ban ïoh ïa ka Golden Boot namar ba u la don 3 tylli ki ‘assists’ haba ïanujor bad u Messi uba don tang kawei.
Ha kane ka jingïalehkai la ïohi ïa ka kynhun nongbishar ba kyrpang jong ka Argentina baroh kawei ba la ïalam da u Facundo Tello. Da kane ka jingïalehkai, ka France ka la pynjlan ïa ka jingïalehkai ba itynnad jong ka ha ka histori sha ka 6 tylli ki jingjop ha ka World Cup hapoh ka jingïalam jong ki nongpynïaid ka Argentina – ka jingjop kaba bun tam na kano-kano ka ri.
Ka France kan ïakhun pyrshah ïa ka kynhun kaba jop hapdeng ka Spain bad ka Belgium ha ka Semi-Final ha ka 14 tarik Naitung.
