Jowai, Naitung 10
Ka Armed Force ryngkat ka Tnad Sports & Youth Affairs, ka Sorkar Jylla ki la pyntip ba kin pynlong ïa ka Durand Cup 2026 kaba 135th (Ka jingïalehkai phutbol kaba rim tam ha Asia).
Kane ka lympung ïalehkai kan sdang naduh ka 25 tarik Naitung haduh 23 tarik Nailar ha ki jaka ïalehkai bapher-bapher kynthup ha Shillong, Guwahati, Imphal, Ranchi bad Kolkata ha kaba 24 tylli ki kynhun kin ïashim bynta ha kane ka lympung ïalehkai.
Shibynta jong kane, yn pynlong ïa ka Durand Cup Trophy Road Show ha Jowai ha ka 13 tarik Naitung ka ban sdang na Ummulong Beat House naduh ka por 10:00 mynstep shaneng.
Ka lynti ïaid jong ka Trophy ki long na Ummulong – Mukhla Khliehtyrshi Ialong, Mihmyntdu, Ladthadlaboh, New Hill, Iawmusiang DC Office Mynthong, Khimusniang, Chutwakhu Mission Compound (Pohskur) Iongpian-Panaliar-Dulong-Tpeppale-lawmusiang.
