Imphal, Naitung:
U Myntri Rangbah ka Manipur u Yumnam Khemchand Singh ha ka 10 tarik, Naitung, u la bishar bniah ïa ka jingïaid shaphrang jong ka Manipur Startup Scheme, da kaba pynskhem biang ïa ka jingangnud jong ka sorkar jylla ban kyntiew ïa ka jingshem thymmai, ka jingseng kam seng jam bad ka jinglah ban shaniah ha lade hapdeng ki samla.
Haba ïasam ïa ka jingpynbna halor ka rynsan X, u Myntri Rangbah ka Jylla u la ong ba u la sakhi ïa ka jingpyni na ki heh ophisar jong ka tnad Planning, ha ryngkat u Special Secretary (Planning) u Shri Neilenthang Telien, ha Secretariat halor ka jingpyntreikam ïa kane ka skhim.
U Myntri Rangbah u la ong ba ka Manipur Startup Scheme ka kyrshan ïa ki nongseng kam ha ka Idea Stage, Revenue Stage, bad hapoh ka Chief Minister’s Entrepreneurship Support Scheme (CMESS) da kaba ai jingïarap pisa bad ka Venture Support ban ïarap ïa ki nongseng kam ban kiew.
U la ong ba kane ka jingthmu ka long ban pynkup bor ïa ki samla nongseng kam seng jam, ban thaw ïa ki lad ïoh kam ïoh jam bad ban pynkhlaiñ ïa ka Startup Ecosystem jong ka Manipur, ha kajuh ka por ban pynshlur ïa ka jingpynmih thymmai bad ban tei ïa ka jylla kaba lah ban shaniah halade.
