Shillong, Naitung 12
Ka Umpling SC, Lumparing SC bad ka Sanmer SC ki la khur jingjop ha ka lympung ïalehkai SRGT 3rd Division Football League 2026 ba la pynïaid da ka Shillong Sports Association (SSA) ha ka sngi Saitjaiñ.
Ha kane ka jingïakhun kaba la long ha SSA Stadium Polo, ka Umpling ka la pynliem noh ïa ka Umphyrnai SC da 1-0 kol bad kane ka la wan urlong lyngba u Banteilang Sangma, uba la thep ha ka minit kaba 18.
Ha ka jingïakhun kaba la long ha madan MFA, ka Lumparing SC ka la pynjem khnap ïa ka Kharang SC da 4-0 kol. U Joslang Lyngkhoi u la thep ar kol ha ka minit kaba 7 & 44, katba ïa kiwei pat la thep da u Kevinson Warbah (55) bad u Riskhem Syiem (80+3).
Haba phai sha kawei pat ka jingïakhun kaba la long ha SSA Stadium, ka Lawmali Pyllun ka la shah rem noh da 0-3 kol ha ka Sanmer SC. Ïa kine la thep da u Damanskhem Thabah ha ka minit kaba 13, kumjuh u Roshon Thapa (32) bad u Bryan Kharbudnah (69).
