Shillong, Naitung 13:
Ka kynhun Team Revolution Mixed Martial Arts ka la pdiang burom ïa ki ‘rang bad ‘thei ïakura ka jylla Meghalaya kiba la khur takma ksiar bad Rupa ha ka lympung ïalehkai Kickboxing OFC-4 Late Mohan Sonowal Trophy Champion Team Trophy ba pynïaid da ka Octagon MMA Gym ba long ha North Lakhimpur, Assam kaba long ha ka 9 haduh 11 tarik mynta u bnai Naitung 2026. Ka kynhun jong ka Team Revolution ki la leit ïashim bynta 10 ngut bad napdeng kine ki 10 ngut, 4 ngut ki ïoh khur ïa ka Takma Ksiar, 2 ngut ki ïoh takma Rupa bad kawei ka Tama. Kine ki ‘rang bad thei ïakura ki la wan phai sha Nongbah Shillong bad la pdiang burom da u founder ka Team Revolution u Bah Sam Lyngdoh bad ka kynhun ha jaka ai jinghikai ha Lumdiengsoh. Haba ïakren sha ki lad pathai khubor ha ka janmiet jong ka 13 tarik u Naitung 2026, ki samla ki la pynpaw ïa ka jingsngewkmen kaba khraw ba ki la ïoh ban ïashim bynta ha kane ka lympung ïalehkai da kaba ïoh rah ïa ki takma ksiar watla ka dei ka sien ba nyngkong ba ki leit ïashim bynta ha kane ka lympung ïakura kiba wan ïashim bynta na kylleng ki Jylla ka India. Ki samla kiba ïoh khur takma ha katei ka lympung ïalehkai kynthup ïa Vilfredo Nongtnger da ka takma ksiar ha ka category Age:17 : 48 kg, Paokhanmang Doungel ka takma rupa ha ka category Age :18 : 56kg, Ajam Chakma takma ksiar ha ka category Age: 18, – 65kg, Ignatius Nongbri ha ka category Age:19, category-52kg da ka takma ksiar, Skhemborlang Lyngdoh Nonglait ha ka category Age:18: 52kg takma ksiar bad Daniella Mylliemngap takma rupa ha ka female pro ’60Kg
