Jowai, Naitung 14
Ki trophy 134th Durand Cup kaba dei ka lympung ïalehkai phutbol kaba rim tam ha dewbah Asia, ki la poi ha West Jaiñtia Hills District ha ka sngi Ba-ar ha kaba u Deputy Commissioner u Abhinav Kumar Singh (IAS) ula kaweh ïa ka lama ha ka jingpyni paidbah na Ummulong Beat House.
La ïa donlang ruh u Assistant Director ka tnat ïalehkai u Bah Khroobok Passah, ki heh shipai, ki riew ïeid phutbol nalor kiwei kiwei.
Ïa kine ki trophy la pynïaid lyngba ka Mukhla, Khliehtyrshi, Ialong, Mihmyntdu, Ladthadlaboh, New Hill, Mynthong, Khimusniang, Chutwakhu, Mission Compound, Iongpiah, Panaliar, Dulong Tpep pale shwa ban pynkut ha Iawmusiang.
Kane ka jingïaid lynti ki Trophy ka thmu ban rah ïa ka mynsiem jong kane ka jingïalehkai kham jan sha ki riew ïeid phutbol.
