Shillong, Naitung 15
Ka lympung ïalehkai State Level Subroto Mukherjee Football Cup Tournament 2026 ba la pynïaid da ka tnat ïalehkai ka Sorkar Jylla, kan sdang naduh 20 haduh 25 tarik mynta u bnai.
Ha kane ka lympung yn wan shim bynta da ki kynhun kiba la khur nam lahduh ha ki lympung ïalehkai kiba la dep pynlong ha baroh ki district jong ka Jylla ha ka kyrdan ïalehkai Under-15 ki shynrang, Under-17 jong ki shynrang bad kynthei.
Ïa ki jingïalehkai jong katei ka lympung yn pynlong ha madan Heh Mini Stadium ha Mawlai Phudmuri, kumjuh ha ka madan Third Ground jong ka MFA bad ha SSA Stadium, Polo.
