Shillong, Naitung 15
Ka lympung ïalehkai 6th Eastern West Khasi Hills District Open-cum-Inter School Badminton Tournament 2026 and Talent Scouting Trial ka dangïaid shaphrang ha Mairang Mission Indoor Stadium.
Ïa kane ka lympung la pynlong da ka Eastern West Khasi Hills District Badminton Association, ka District Sports Promotion Society bad ka ophis jong ka District Sports Officer, ha kaba kane ka lympung ka la khring ïa ki khynnah na ki 9 tylli ki skul kiba la shim bynta ha ki kyrdan ïalehkai Under-13, Under-15, Under-17 bad ka Under-19.
Kane ka lympung ka long ruh kum ka jingpyrshang ban sei ïa ki sap ba kyrpang, ha kaba yn ithuh bad jied ïa ki nongïalehkai kiba don jingkyrmen ban mihkhmat ïa ka distrik ha ki lympung ïalehkai badminton ki ban wan.
