Shillong, Naitung 17
Ka kynhun ki ‘thei ïaleh-kai Under-18 jong ka Touch -line Basketball Academy ki la mih ban leit Thailand na ka bynta ban shim bynta ha ka International Youth Basketball Champion -ship (IYBC) 2026, kaba long kawei na ki lympung ïalehkai kaba paw ha Asia.
Kane ka lympung kan sdang naduh 24 haduh 28 tarik mynta u bnai.
Katei ka shlem ai jing-hikai ka dangrakhe ïa ka jingdap 10 snem jong ka, kane ka jingleit ka long u mawjam ba kongsan ban kyntiew ïa ka sap ïalehkai basketball jong ki samla na Jylla. Kane ka lympung kan pynïasoh lang ïa ki kynhun ba paw na kylleng ka pyrthei, kaba ai rynsan ïa ki nongïalehkai ba kin ïatynjuh bor bad ki nongïa-lehkai ka pyrthei.
Te kumta ka Touchline ka la shah pynngat bad kiwei ki kynhun kiba tbit kiba na United States of America, South Korea, Thailand bad Malaysia ha ka wat kaba nyngkong.
Ki kyrteng ki ‘thei ïa-lehkai ki long ka Vanessa Nongsiang (17), Phinsei-nylla Hooroo (17), Dynna Marbaniang (18), Mebari-kordor Suting (16), Sha-nessa Lyngdoh (16), Phi-balari Kharmaw (16), Wan -kmenbiang Mawlong (16), Phiwankmen Maw-long (18), Nazareen Wah-lang (17), Shirley Marba-niang (15), Ariana Lyng-doh Mawphlang (16) bad ka Ewarika Basaïamoit (15).
Ïa kane ka kynhun la ïalam da u coach u Bah Andrew Suting lem bad ka Assistant Coach ka Kong Ucilia Pyngrope.
Haba kren hashwa ba kan mih ban leit sha Thailand, u coach ba khlieh jong kane ka shlem ai jinghikai, u Sanjib Das u la ong, “Kane ka lympung ka dei ka kabu kaba phylla na ka bynta ki samla ïalehkai jong ngi ban tynjuh ïalade pyrshah ïa ki katto katne ki kynhun ba tbit na kylleng ka pyrthei. Ka jingïalehkai pyrshah ïa ki kynhun na USA, South Korea, Thai-land bad Malaysia kan pynkhlaiñ ha ka bor met bor pyrkhat, bad ngi sngew -kmen ban mihkhmat ïa ka Meghalaya da ka mynsiem ka jingsngew sarong. Manla ki jingïalehkai kin long ki jingïarap ïa ngi ban gin nanglah ban pynjanai ha ka jingïalehkai.’
