Shillong, Naitung 17
Ka lympung ïalehkai SRGT 3rd Division Football League 2026 ba la pynlong da ka Shillong Sports Association (SSA) ka la nangjam shaphrang ha kaba ka Mawkasiang SC ka la lah ban pynjem khnap haduh 6-1 kol ïa ka Lawmali Pyllun SC ha ka sngi Thohdieng.
Ha kane ka jingïakhun, u Enrique Sympli (50 & 61) bad u Nonou Lupheng (56 & 74) ki la thep mar ar kol, katba ïa ki shi kol la thep da u Auspisious Kharpuli (15) bad u Rueben Shabong (80). Na ka liang ka Lawmali ka la pynphai kylla shi kol lyngba u Playerson Nongkseh (79).
Haba phai sha kawei pat ka jingïakhun kaba ar hapdeng ka Lamlynti FC bad ka Sanmer SC ki la ïakhaid khlem da lah ban thep kol haduh kaba kut ka jingïalehkai.
Ka jingïakhun final jong ka U-20 4th Division hapdeng ka Mawpdang SC bad ka Seila Sap FCC kan long mynta ka sngi Saitjaiñ ha ka por 3:30 nohphai sngi ha SSA Stadium.
