Shillong, Naitung 19
Ki ar ngut ki rangïalehkai ka Jylla u Daniel Dabiang -bha Warjri bad u Gideon Tympuiñ ki la wanrah burom ïa ka ri India hi baroh kawei da kaba khur takma ha ka 10th Cadet, Junior, U-21 and Senior South Asian Karate Cham -pionship 2026, kaba la poi sha kaba kut ha ka sngi U Blei ha Dhaka, Bangladesh.
U Daniel u la khur ïa ka takma ksiar in the Boys’ Junior Individual Kumite (-68 kg), katba u Gideon u la khur ïa ka takma rnong ha ka Men’s U-21 Individual Kata.
Kine ki ar ngut ki rangïalehkai ki la don hapoh ka shatri jong ka All Meghalaya Karate-Do Association (AMKA) bad la ai jinghikai da ki coach kiba kynthup ïa u Ban-shanlang Kharumnuid, Donboklang Lyngdoh nalor kiwei pat.
Dangshen mynta u snem u Gideon u la khur ïa ka takma ksiar ha ka 5th KIO (Karate India Organi-sation) Senior & U-21 National Karate Cham-pionship 2026 kaba la long dangshen ha New Delhi, katba u Daniel u la khur ïa ka takma rupa ha ka 5th KIO Sub-Junior, Cadet & Junior National Karate Championship kaba la long ha Dehradun, Uttarakhand.
Na ka liang ka AMKA ka la pynpaw ka jingkmen halor kane ka jingjop kitei ki rangialehkai bad kane ka pyni ïa ka jingkiew sha-phrang ki khynnah ïalehkai ka Jylla bad kiwei pat ki nongïalehkai jong ka ri bad wat shabar ri ruh kumjuh.
Kumba ka paw kane ka long ka sien kaba saw ba ka AMKA ka la lah ban sei ïa ki nongïalehkai kiba la lah ban khur takma ha ki lympung ïalehkai ka dewbah Asia. Ha u snem ba la lah ka Kynjailin Lyngdoh Mawnai ka la khur takma rnong ha katei kajuh ka lympung kaba la long ha Colombo, Sri Lanka. Ha u snem 2019, ka Wandahunshisha Maw-blei ka la khur ïa ka takma ksiar ha ka lympung ïalehkai kaba la long ha Dhaka.
