Shillong, Naitung 20
Ka Agency for Sustai-nable Development Initia-tive (AFSDI) jong ka KJP Synod Sepngi ka la pynbna ba kan pynlong ïa ka Shillong Run 10K, 2026 ha ka 1 tarik u Nailar mynta u snem ha kane ka nongbah.
Ïa kane ka jingïakop mareh yn sdang na SRGT Parking Lot, Polo ha ka por 5:30 mynstep, ha kaba la wer ïa ki paidbah naduh ki khynnah haduh kiba la heh la san ba kin wan shim bynta ha kane ka jingïakop.
Ka phang pdeng jong kane ka jingïakop ka long “Run With Different Abili -ties” kaba long ka jingpynshai paidbah halor ka jinglong ïaryngkat dor bad ki briew kiba duna ha ki dkhot met.
“Ka jingthmu jong kane ka long ruh ban pynmih pisa na ka bynta ki lyngkha trei jong ka KJP Synod Sepngi kiba ka la seng na ka bynta ki khynnah kiba don ki jingduna ha ki dkhot met kata ka Mairang Vidyajyoti Inclu-sive Secondary School kaba don ha Mairang, ka Community Based Reha-bilitation Centre kaba don ha Mairang bad ka Rev. Amirkha School for Disabled kaba ha Mawlai Mawroh,” la pynpaw u Rev. RPL Nonglait, Secre-tary Organising Commit-tee Shilllong Run ha ka jingïalehkai bad ki nong-thoh khubor ha ka lah sngi U Blei.
U la ong ba ïa kane ka jingïakop kaba la sdang naduh u snem 2011, yn phiah ha la ki jong ki kyrdan kata ka kyrdan Junior hapoh 15 snem, Senior 15 snem shaneng bad ki briew kiba don jingduna ha ki dkhotmet.
Ha kawei pat ka liang u Rev. B Syiem, Conve-ner Operation & Facilities jong ka Shillong Run u la pynpaw ba ka tarik kaba khatduh ban pynrung kyrteng ka ban dei tang lyngba ka online kan long ha ka 27 tarik mynta u bnai.
“Ngi la pynkhreh ïa ki khusnam pisa na ka bynta ki nongjop ha kane ka jingïakop ha ka Open Category (18 haduh 35 snem rta) kan long T. 55 hajar ïa kiba wan ba nyngkong, T. 35 hajar ïa kiba wan ba-ar bad T. 25 hajar ïa kiba wan balai. Ngi la pynkhreh ruh na ka bynta ki nongjop ha kiwei pat ki kyrdan ïakop kata T. 6000 ïa kiba wan ba nyngkong, T. 4000 ïa kiba wan ba-ar bad T.3000 ïa kiba wan balai.”
Shuh shuh u la ïathuh ba kin don ki khusnam pisa na ka bynta kiba wan ‘consolation’ naduh kyrdan basaw haduh ba hynñiew kaba long mar T. 1000 kata ïa kiba hapoh 15 snem, 15 haduh 18 snem, 18 haduh 35 snem bad na ka bynta ki nongshim bynta kiba duna ha ki dkhot met.
Ki lynti ban mareh na ka bynta ki Senior (10K) kan sdang na SRGT Parking Lot, Polo ter ter sha Lawmali-Community Hall Jaiaw Lumpyllon – Jaiaw St Joseph Jaiaw Chapel Road – Jaiaw Pdeng-Riatsamthiah Wahingdoh – Umsohsun – G.S. Road -Khyndai Lad – DC Office Raj Bhavan Barik Point Malki Point – Dhankheti Point, Don Bosco Square Shillong College – Shillong Com-merce PGT College, B.K. Bajoria School – 4th Furlong Polo Bazar bad pynkut ha SRGT Parking Lot, Polo.
Katba ka lynti na ka bynta kiba hapoh 15 snem bad kiba don jingduna ha ki dkhot met kan sdang na SRGT Parking Lot, Polo te ter sha Law-mali -Community Hall Jaiaw Lumpyllon Jaiaw St. Joseph Jaiaw Chapel Road- Jaiaw Pdeng Riat-samthiah Wahingdoh Um-sohsun- G.S. Road Khyn-dai Lad-Pegasus Hotel Polo Tower Polo Bazar bad pynkut ha SRGT Parking Lot, Polo.
