Shillong, Naitung 21
Ka rephri ka Jylla ka Pipilmoris Wanñiang ka la pyndep ïa ka Upgradation Practical Examination 2026 bad mynta ka la kiew kyrdan sha ka Category 5, ïa kane la pynbna da ka All India Football Federation ha ka sngi Ba-ar.
Kane ka kyrdan Cate-gory 5 bad assistant referees ka long ba ki rephri ki lah ban pynïaid ïa ki lympung ïalehkai ha kylleng jong ka ri.
Na ka liang ka Meghalaya Football Association ha ryngkat ka jingïatreilang bad ka sorkar Jylla ka la ïaleh ban kyntiew ïa ka jingïalehkai phutbol ha ka jylla, naduh ki kyrdan jong ki khynnah haduh ki kyrdan senior, kumjuh ka jingkyntiew ha ka ban pyntbit ïa ki nongpynïaid ïa ki jingïalehkai bad ruh ban jingpynlong ïa ki jingïalehkai phutbol kiba heh.
Lah ban kdew ha ki katto katne bnai ba la lah, ki la don ar ngut ki rephri kiba la ïoh ïa ka kyrdan Category 5 kata u Pynskhemhame Mawthoh bad u assistant referee u Jespar Syiemlieh.
