Shillong, Naitung 21
Ka Shillong Lajong FC ka la soi biang sa uwei u rangïalehkai bar ri na Brazil u Joao Vitor de Paula Morais (Jota) bad kane ka long hashwa ba kan sdang ïa kane ka aïom da ka jingïashim nyngkong bynta ha ka Durand Cup 2026.
Kane ka kynhun ïalehkai ka nongbah ka la pynbha ha ka sngi Saitjaiñ ha ka rynsan social media.
Utei u rangïalehkai shakhmat u dei uba la ïalehkai na ka Chanmari FC ha ka aïom ba la lah jong ka Indian Football League. U la long uba ar ïa kaba ka Lajong ka la soi ïa ki rangïalehkai nabar ri kata hadien ïa u rangïalehkai ‘dien u Arthur Pangaro.
Hashwa ba un wan ïalehkai sha India, u Jota u la leit ïalehkai sha Slovakia bad kham hashwa u la ïalehkai ha Brazil. Kumba ka paw une u rangïalehkai shakhmat ba dang 23 snem ka rta u la ïoh ban ïalehkai 14 sien na ka Chanmari ha ka IFL bad u la thep 3 kol bad ïarap pynbuh lai sien.
Te kumta ka Shillong Lajong ka la khmih lynti ban nangpynrung shuh shuh kiwei pat ki rangïalehkai nabar ri ha kine ki sngi ki ban wan bad katkum ki khubor la ong ba ka la thmu ban wanrah sa ki rangïalehkai na Portugal ha kaba ka jingïakren ka dangïaid bad kane ka klob.
