Shillong, Naitung 22
Ka East Jaiñtia Hills District Football Association (EJHDFA) kan sdang noh ïa ka lympung ïalehkai Third Division ha ka 27 tarik mynta u bnai ha kaba yn ïashim bynta 45 tylli ki klob jong kane ka district.
La pynïaphiah ïa kitei ki klob ha ki 15 ki pool na ka bynta ban ïaknieh rung sha ka pre-quarter final, la pynpaw katkum ka kyrwoh ba la pyllait da u General Secretary Bah James Sutnga.
Ki kynhun ki ban ïakhun ha katei ka sngi sdang kan long hapdeng ka Umlawang pyrshah ïa ka Cham Cham ha ka por 11 baje mynstep, kumjuh ka Lumputhoi ïa ka Kuliang ha ka por 1 baje mynsngi bad ka Ïongkaluh ïa ka Youngstar SSC huroi ha ka por 3 baje nohphai sngi.
