Shillong, Naitung 23
Ka Madan S&CC ka la khur ïa ka jingjop ha kaba sdang ïa ka lympung ïalehkai 2nd Division Football League 2026 ba la pynïaid da ka Shillong Sports Association (SSA), hadien ba ka la pynliem noh ïa ka Nongrah SC da 3-0 kol ha ka sngi Palei ha SSA Stadium, Polo.
Ha kane ka jingïakhun baroh ar tylli ki kynhun ki la long kiba ïaryngkat bor ha ka rukom ïalehkai ha kaba kim shym la lah ban pynkhih jar ha ka kylla step.
Dei ha ka kylla miet ba ka Madan ka la ïoh ban pynkhih jar nyngkong eh lyngba u Phermanbha Lyngdoh ha ka minit kaba 53. Kane ka kynhun ka la thep biang ïa ka kol kaba ar lyngba u Medonbanshan Kurkalang (61) U Phermanbha u la pynbud ïa ka kol kaba ar ha ka minit kaba 70 bad ban pynlong ïa katei ka kynhun ba kan khur syndon ïa ka jingjop.
Kane ka lympung kan bteng biang ha ka sngi Ba-ar ha kaba ka Mawpat kan ïakynduh pyrshah ïa ka PFR Football Academy ha ka por 4 baje nohphai sngi.
