Jowai, Naitung 24
63 ngut ki khynnah ïalehkai jong ka West Jaintia Hills District Wushu Association kynthei bad shynrang kin mihkhmat ïa ka District sha ka 23rd Meghalaya State level Wushu Championship 2026 ka ban long ha Assam Regiment Centre (ARC) Indoor Sports Hall, Happy Valley.
Kane ka lympung ka sdang naduh ka 24 tarik haduh 25 tarik Naitung ba la pynïaid da ka Meghalaya Wushu Association.
Ïa kine ki khynnah yn ïalam da Riwotmiki Lyngdoh bad Ebenezer Tang.
Na ka liang ka West Jaintia Hills District Wushu Association ka ai ïa ka jingkitbok kitrwiang ïa kine ki khynnah ba kin leh bha, bad ai khublei ruh ïa u Ma Wanmi Laloo u ba dei u dkhot jong Association da ki kyntien sneng kyntien kraw bad ki jingduwai ha shuwa ba ki khynnah ïalehkai Wushu kin mih na Jowai.
