Shillong, Naitung 26
Ka India ka la khur ïa ka takma kaba ar ha ka sngi kaba lai jong ka Commonwealth Games 2026, kaba dangïai shaphrang mynta ha Glasgow, Scotland.
Kane ka la wan urlong lyngba u Rishikanta Singh uba la khur ïa ka takma rupa ha ka jingïakop rah nar ne ka weightlifting jong ka men’s 60kg.
Kham hashwa ka India ka la khur ïa ka takma rnong lyngba u nongrah nar para powerlifting, u Jhandu Kumar ha ka men’s heavyweight.
Kumba ka paw ka India ka dangdon jingkyrmen ban khur takma na ki phra tylli ki jingïalehkai kata na ka athletics, artistic gymnastics, bowls, boxing, judo, swimming, track cycling, weightlifting ryngkat na ki san tylli ki jingïalehkai (para discipline) kum ka para athletics, para powerlifting, para swimming, para track cycling bad ka 3×3 wheelchair basketball.
Ka Mirabai Chanu kaba la khur takma teng ha ka Olympic, ka la khmih lynti ban khur ïa ka takma ksiar ha kane ka lympung na ka bynta bynta ban ïoh ïa ka hat-trick ha ka CWG.
