Shillong, Naitung 27
Ka Sohra International Half Marathon ka la ïoh ka jingithuh na ka bynta ka jinglong dkhot hapoh ka Association of International Marathons and Distance Races (AIMS).
Kane ka jingpynthikna ka la wan lyngba ka jingbud ryntih ïa ki rukom pynïaid ha kylleng ka pyrthei (international standard).
Ïa kane ka jingïakop kaba la ju pynlong manla u snem da ka Meghalaya State Olympic Association (MSOA) ha ryngkat ka jingïasnoh kti lang bad ka tnat ïalehkai jong ka Sorkar Jylla, ka la khring ïa ki nongshim bynta nabar ri bad kumjuh ïa kiba na kylleng jong ka ri.
Ha kane ka wat kaba san yn pynlong ha ka 4 tarik u Nailur, ha kaba ki jingïakop mareh ki kynthup ïa ka 21km Elite Open (18 years and above), 21km Open Meghalayan (18 years and above), 10km Open (18-40 years), 10km Open (40-55 years), 10km Open (55 years and above) bad ka 5km Fun Run (10 years and above).
Na ka liang ki bor pynïaid ki la pynbna ba mynta u snem yn shah tang haduh 11 hajar ngut ki nongshim bynta bad ka tarik kaba khatduh kan long ha ka 15 tarik Nailar. La mang pisa na ka bynta kane ka marathon ha ka jinglut kaba T. 3 klur.
