Khliehriat, Naitung 27
Ka Cham Cham SCSC, Lumputhoi SC bad Nong -khlieh SC Huroi ki la khur jingjop ha kaba sdang ïa ka lympung ïalehkai 3rd Division Football Tournament ba la pynïaid da ka East Jaiñ -tia Hills District Football Association ha ka lah sngi U Blei ha madan artificial turf Diengsyn-rum, Khliehriat.
Ha ka jingïakhun kaba nyngkong, ka Cham Cham SCSC ka la pynliem noh ïa ka Umlawang SC da 5-0 kol. U Wanme Phawa u la thep ar kol ha ka minit kaba 21 & 28, katba ïa kiwei pat la thep da u Riki Phawa (35), Shibun Khaii (56) bad u Wikris Phawa (65).
Ha ka jingïalehkai kaba bud ka Lumputhoi SC ka la jop da 3-0 kol ïa ka Kuliang YWSC. Ïa kine la thep da u Deimon -me Lyngdoh ha ka minit kaba 30, kumjuh u Tony Lyngdoh (50) bad u Sa-o Lyngdoh (72).
Haba phai sa kawei pat ka jingïakhun, ka Nongkhlieh SC Huroi ka la pynliem noh ïa ka Nongkaluh SCSC da 1-0 kol bad ïa kane ka shi kol la thep da u Seven Pyrtuh ha ka minit kaba 80+4.
