Shillong, Naitung 29
Ka Umlyngka SC ka la pynliem noh ïa ka Smit SC da 3-1 kol na ka bynta ban khur jingjop ha ka SSA 2nd Division Football League 2026 ha ka sngi Balang.
Kane ka nam jop ka la wan lyngba u J.Rudy Wilson Nongkhlaw, Anthony Kharkongor bad u Nichelson Lyng-khoi na ka bynta ban khur ïa ki lai poiñ.
Ha ka kylla step kine ki kynhun kim shym la lah ban thep kol, hynrei dei ha ka kylla miet ba ka Umlyngka ka la ïoh ban thep haduh lai kol lyngba u Rudy Wilson ha ka minit kaba 72, kumjuh u Anthony (81) bad u Nichelson (90+5). Na ka liang ka Smit ka la lah ban pynphai kylla shi kol lyngba u Shanmeiaki Warlarpih (90+4) hashwa ban mad ïa ka jingshah rem.
Haba phai sha kawei pat ka jingïakhun kaba ar, ka Nongmen-song SC ka la pynliem noh ïa ka Mawkriah West SC da 1-0 kol bad ïa kane la thep da u Kevin Diengdoh ha ka minit kaba 34.
Ka jingïalehkai ha ka sngi Palei kan long hapdeng ka Lawsohtun SC pyrshah ïa ka Sohïong SC ha ka por 1 baje mynsngi, katba ka Tynring SC ïa ka Sohryngkham SC ha ka por 4 baje nohphai sngi.
