Khliehriat, Naitung 30
Ka Rymbai Pohskur SC bad ka Mookhep SCSC ki la khur jingjop ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association ha ka sngi Palei.
Ha kane ka jingïakhun kaba la long ha madan Diengshynrum kaba ha Khliehriat, ka Rymbai Pohskur ka la pynliem noh ïa ka Sonapyrdi FSC da 3-1 kol.
U Sanhame Bareh u la thep ar kol ha kaba ka kol kaba nyngkong u la thep lyngba ka penalty ha ka minit kaba 34 bad kawei pat ha ka minit kaba 75 bad ïa kawei pat la pynbud da u Shanki Dkhar (79). Na ka liang ka la pynphai kylla lyngba ka penalty ba la shut da u Affarming Tlang (45).
Ha kawei pat ka jingïalehkai kaba ar, ka Suchen ka la pynliem noh ïa ka Mookhep SCSC da 1-0 kol bad ïa kane la thep da u Wanmiki Suchen.
Haba phai sha kawei pat ka jingïakhun hapdeng ka Shiborlang SC Pynthorsale bad ka Umlong SSCC ki la ïakhaid khlem don ba lah ban thep kol haduh kaba kut ka jingïalehkai.
