Shillong, Naitung 30
Ka lympung ïalehkai 10th East Khasi Hills District Open Badminton Championship 2026 ba la pynïaid da ka East Khasi Hills District Badminton Association (EKHDBA) ka la poi sha kaba kut ha ka sngi Palei ha Glades Sports Arena kaba ha Mawlai Mawroh.
Ha kane ka sngi la ïadon lang u MLA ka Pynthorumkhrah Constituency bad uba long u Chairman ka State Government Programme Implementation & Monitoring Committee, Bah A. L Hek Laloo kum u kongsan, kumjuh u Bah Olan Sing Suiñ, MLA ka Mawsynram Constituency bad uba long u Co-Chairman ka State Planning Board kum u symbud kongsan, ha ryngkat ka jingïadon lang ki dkhot ka EKHDBA, Meghalaya Badminton Association, ki khynnah bad ki kmie ki kpa ryngkat ki bahaïing hasem jong ki khynnah kiba la wan pynshngaiñ bad ban ai mynsiem ïa la ki jong ki khun jong ki.
Ha kane ka lympung la wan shim bynta palat 100 ngut ki khynnah ïalehkai kiba la shim bynta ha ki kyrdan ïalehkai Under-13, Under -15, Under -17 bad Under -19 kata ha ka jingïalehkai Singles, Doubles bad Mixed Doubles.
