Shillong, Naitung 31
U tyngshop bna nam ka Bollywood, u John Abraham u la ong ba ka thaiñ shatei lammihngi jong ka ri India ka dei kaba ju lah bha ban sei ïa ki rang ne ki khlur ïalehkai kiba kynsai bad kiba da paw nam bha na ka bynta ka ri India hi baroh kawei.
Haba kren bad ki lad pathai khubor, u John uba dei lang kum uwei na ki trai jong ka kynhun ïalehkai ka NorthEast United FC, u la kam ba ka jingdon ki rangïalehkai jong ka ri ha ka kynhun ka long ba 70 na ka 100 ki dei beit shwa tang na kane ka thaiñ, bad dei na kane ka daw kaba pynlong ïa u ba un ïadon bynta lang bad ka klob namar ba u sngew ba ka dei shisha ka thaiñ kaba u paidbah u da ieit u sngewtynnad bad ba u tip bad nang ban peit ïa ka phutbol.
Haba phai sha ka jylla Meghalaya, u John u sngew ban ai khublei kyrpang ïa u Myntri Rangbah u Conrad K Sangma, uba la shim khia ban khreh ban tei ïa kawei na ki stadium kaba heh tam ha ka thaiñ ha Mawkhanu, kaba dei ha kane ka stadium ba ka NorthEast United FC kan don ïa la ka jong ka shlem ban saiñdur ïa ki khynnah ïalehkai jong ka thaiñ.
