Shillong, Nailar 02
Ka nongjop takma ha ka Olympic ka Lovlina Borgohain ka la pynpaw ba ka la ïakhun bad shim bynta ryngkat ka jingthut bad jingmynsaw kaba khyndiat ha ka khohsiew jong ka ban pyndep ïa ka jingïakhun final jong ka jingïalehkai boxing ha ka jingkhia kaba 75 jong ka Commonwealth Games 2026 kaba la long Glasgow, ha kaba ka la kut noh ka jingïaid lynti da kaba ïoh tang da ka takma rupa.
Ka Lovlina ka la ïakhun pyrshah ïa ka nong Australia ka Emma-Sue Greentree. Kane ka jingïakhun ka la long ha ka sngi Saitjaiñ, Nailar 01, 2026, ha SEC Centre Glasgow, Scotland. Ka la rem noh ha ka bout da 4-1.
Da kane ka jingjop takma rupa kane ka nongïakura na Assam kadei kawei na kiba lai ki nongïakura ka India hadien ka Mary Kom bad u Vijender Singh ban jop bad khur takma ha ki lympung ïakura ki jingïakop ha kylleng ka pyrthei (Olympics, World Championships, Asian Games, and Commonwealth Games).
Ki jingjia ki ba eh bad jynjar bha lyngba ka jingshlei um kaba la ktah ïa ka Jylla jong ka, ka Lovlina ka rai ban aiti noh ïa kane ka jingjop takma rupa sha ka jingïarap sha ki lanot shlei um ha ka Jylla.
Ha kawei pat ka bynta, ka nognïalehkai judo na India ka Ishroop Narang sa tang khyndiat ba kan ioh khur takma rnong ha kane ka Commonwealth Games 2026 ka la mad noh da ka jingshah rem ha ka jingiakhun pyrshah ia ka nong Canada ka Coralie Godbout ha ka kyrdan jingkhia kaba 78 kg ha ka jingïalehkai kaba la long ha ka sngi U Blei 02 Nailar 2026.
