Imphal, Nailar:
Ki bor pahara ha Manipur, ha ki jingwad bniah ba kyrpang, ki la kem khyndai ngut ki lehnoh kiba dei na ki kynhun lehnoh bapher bapher kiba la shah ñiew beaiñ bad ki la lap ïa ki tiar ïaleh, ki kuli bad kiwei kiwei ki tiar kiba pynngat ha ki 24 kynta ba la dep, la ïathuh ki heh sorkar ha ka sngi U Blei.
Hashwa kane, kata ha ka sngi Saitjaiñ saw ngut ki lehnoh kiba dei na ki lai tylli ki kynhun ba la shah ñiew beaiñ ki la shahkem ha ki jingkhynra ba kyrpang ha kylleng ki distrik jong ka Manipur, Imphal West, Imphal East bad Tengnoupal, la ïathuh ki pulit ha ka 1tarik, Nailar.
Uwei u dkhot jong ka kynhun Kangleipak Communist Party (KCP) uba la tip kyrteng kum u Khunthoklemba Oinam (30) u la shah kem ha Imphal West distrik ha ka sngi thohdieng halor ka jingkynnoh ba u la donkti ha ka jingkawang bom kawang kti ha kawei ka ïing ha Yumnam Leikai ha ka 28 tarik, Naitung, ong u heh pulit.
Ha kawei pat ka jingkhynra ha kajuh ka sngi, ki bor pahara ki la ïoh ban kem ïa uwei u dkhot jong ka PREPAK (PRO), uba la tip kyrteng kum u Ningthoujam Nanao Meitei (41), na Imphal East district.
Ha kajuh ka por, arngut ki dkhot jong ka People’s Revolutionary Party of Kangleipak (PREPAK) ba la shah ñiew beaiñ hajan khappud India bad Myanmar ha Tengnoupal district ha ka sngi Palei, la ïathuh ki pulit.
