Shillong, Nailar 02
Ka lympung ïalehkai ka Glasgow 2026 Commonwealth Games kan poi noh sha kaba kut ha ka Sngi U Blei ka 02 tarik Nailar 2026 da ka jinglehkmen pynkut kaba kdew lang kum ka dak ka jingkut bad jingsdang jong kane ka lympung ïalehkai kaban sa long bad bteng pat ha ka ri India ha u snem 2030. Kane ka jignlehkmen pynkut kan long ha OVO Hydro kaba don ha Glasgow, kaban sdang ha ka por 9baje mynmiet (local time BST), kaban dei pat ha ka por 1:30 mynstep ha ka ri India (IST) kata ha ka Lah Sngi U Blei.
Na ka bynta ka India, ka jingïalehkai kaba khraw tam kan dei ka bynta ban aiti sha ka Ahmedabad, ka jaka pynlong ïa ka Commonwealth Games ha u snem 2030. Ïa kane ka jingaiti yn pyni ha ki lai tylli ki bynta: ka jingburom ïa ka jingdap 150 snem jong ka Vande Mataram, ka jingpynbyrngia ïa ka jingïalehkai fusion ha kaba la don lang u nongtem sitar u Rishabh Rikhiram Sharma bad u nongtem (piper) na Scotland u Ross Ainslie, bad ka jingïaid lynti ban rakhe ïa ka kolshor bad ka pateng jong ka ri India. Ha kane ka jingpyni ia ka riti dustur yn ialam da u nongtem na India u Shankar Mahadevan ryngkat ki puron ka Rashmika Mandanna bad ka Manushi Chhillar.
Ha ka sien kaba nyngkong ha ka histori jong ki jingïalehkai, baroh 74 tylli ki ri kiba ïashim bynta kin ïoh ïa ki Jingthoh Syiem ba kyrpang ba la shna kyrpang, uwei pa uwei u rah ïa ka khubor na u Syiem Charles III, kaba pyni ïa ka rukom thymmai jong ka jingïadon bynta lang.
Ka India ka la pynkut ia ka jingialehkai kaba itynnad bha da kaba bat ia ka kyrdan kaba 4 ha ka jingkhein takma da kaba ioh 39 tylli ki takma baroh (13 tylli ki takma ksiar, 17 tylli ki takma rupa, bad 9 tylli ki takma rnong).
