Shillong, Nailar 03
Ka East Khasi Hills Judo Association (EKHJA) ka la pynkut noh ïa ka lympung ïalehkai Inter School East Khasi Hills District Judo Championship 2026 ha ka 1 tarik mynta u bnai, ha kaba ka Secret Heart Boys HSS na Mawlai ka la khur ïa ka nam lahduh.
Ïa ka kyrdan ba-ar la ïoh da ka Velley View Secondary School na Pynthorumkhrah bad ïa ka kyrdan balai la ïoh da ka Ghandi Bundyadi Hindi High School na Golflink.
Ïa ka nam Best Judo ha katei ka lympung la ïoh da u Rochester Wahlang bad ka Daphika Kharnaidu, kiba na ka Sacred Heart Boys Higher Secondary School
Ha katei ka sngi pynkut ïa kane ka lympung, la ïadon lang u President ka EKHJA u Bah Balamphang S. Kharkongor ryngkat u General Secretary u Bah Sabinus Jasain, ki dkhot kane ka synjuk, ki principal, ki nonghikai jong ki 12 tylli ki skul lem bad ki khynnah.
