Shillong, Nailar 05
Ka Laitkor SC ka la wanphai da ka jingjop ha ka Shillong Premier League 2026, hadien ba ka la lah ban pynliem noh ïa ka Mylliem SC da 3-1 kol ha ka sngi Balang ha SSA Stadium, Polo.
Kane ka nam jop ka la wan urlong lyngba ki kol ba la thep da u Sambor-well Mynsong, Haming-bert Nongbet bad u Risuk Malngiang na ka bynta ban khur ïa ki lai poiñ kiba nyngkong eh ha kane ka lympung.
Kumba ka paw kine baroh ar tylli ki kynhun ki dei kiba la mad ïa ki jingshah rem ha ka jing-ïalehkai ba la lah. Ka Mylliem SC ka la rem da 1-0 kol ha ka Nongkseh SSCC katba ka Laitkor SC ka la shah rem ha ka Mawlai SC da 5-0 kol.
Na bynta kane ka jingïakhun, baroh ar kynhun ki la pynkylla ïa la ka jong ka thup ïalehkai jong ki, ha kaba na ka liang ka Mylliem SC kam shim la lah ban sei madan ïa u Shaibor Nongrum hadien ka ‘red card’ ba u la ïoh na ka jingïakhun ba la dep bad bynrap shuh shuh sa ka jingbym shim la sei madan ïa u Kevizakie Ciesotsu bad Fedrick Wahlang bad ha ka jaka jong kine baroh, la wan ban mih bujli da u Donboklang Nongsteng, Donboklang Majaw bad Alem Khongwir.
Katba na ka liang ka Laitkor SC, ka jingkylla ha ka thup ïalehkai ka long ba u Balajiedlang Lyngwa, Shelbilkstar Kharshilot bad u Ïaryngkatlang Kharkrang ki la wan ban mih hashwa jong u Samuel Suting, Wad-skhem Marbaniang bad Kitdor Kharphuli.
Baroh ar ki kynhun ki la sdang suki jai ha ka rukom ïalehkai jong ki, namar ha ka jingïakhun ba nyngkong ka jong ki. Watla katta ruh, ka Mylliem shiteng kynta hadien ba la ïaid shakhmat ka jingïakhun, ka la pyrshang ban kham ñion bha ka rukom ïalehkai jong ka, kaba hangne u Alem Khongwir u la ïoh artylli ki kabu ksiar ban pynkhih jar ha kaba kawei ka la her noh shabar ka dieng kol bad kaba ar la lah ban kyrda noh da u rangapkol ka Laitkor u Deranius Wahlang.
Ym slem hadien kane, ba ka Laitkor SC ka la dei ban tam shakhmat hadien ka ‘foul’ pyrshah ïa u Hamingbert, bad u Risuk u la tur shakhmat ban shut ïa ka penalty, kaba u la shut jam bha ïa ka bol kaba lait beit shabar
Haba wan ban bteng ïa ka kylla miet, kaba marsien ïa sdang, ka la bujli noh ïa ki rangïalehkai ha kaba u Samborwell u la wan mih madan, kaba marsien ïa rung ka la sdang ban pynkylla ka rukom ïalehkai jong ka Laitkor.
Hadien ba ka jingïakhun ka la jam shakhmat, ha ki 15 minit ba dangsah ka por ban ïalehkai, ka Laitkor SC ka la lah ban ïalehkai bha bad ka la lah ban tam da 3-1 kol bad ban khur syndon ïa ka jingjop.
Haba ïadei bad ki jingïakhun ban sa wan jong kane ka lympung, ka SSA kan dangpynkhreh ïa ka, da kaba phaikhmat shwa sha ka lympung ïalehkai Durand Cup 2026, kaba la don bynta da ki lai tylli ki klob jong ka, kynthup naduh ka Shillong Lajong FC, ka Langsning FC bad ka Nongkseh SSCC.
